O Level Revision : Shona - Chii chinonzi chidudzirachiito kana kuti zvidudzirazviito?
Chii chinonzi chidudzirachiito kana kuti zvidudzirazviito? Aya mazwi anotsanangura maitikiro echinhu. Mazwi aya anopa dzimwe pfungwa pamusoro pechiito sokuti: Rima mangwanani.
Aya mazwi anotsanangura maitikiro echinhu. Mazwi aya anopa dzimwe pfungwa pamusoro pechiito sokuti:
Rima mangwanani. Rova neshamhu. Bikira mumba.
Tsenga zvinyoronyoro.
Mazwi ose akasvibira pamuenzaniso yapiwa pamusoro ari kududzira zviito kuburikidza nokutipa pfungwa dzakasiyana-siyana.
Mhando dzezvidudzirachiito
Chidudzirachiito chenguva
Ichi chinotaridza nguva yechiito sokuti: Takasvika usiku.
Mari yabiwa mangwanani.
Chidudzirachiito chomuiti
Ichi chinotaridza kuti chiito chaitwa nani sokuti: Arohwa nababa.
Mhuka yaurawa nevavhimi. Atumwa kuchitoro naamai.
Chidudzirachiito chefanano
Ichi chinotaridza kufanana kwezvinhu sokuti: Anofamba saamai vake.
Anodya sebenzi.
Chidudzirachiito chechombo chakashandiswa
Ichi chinotaridza chombo kana mudziyo wakashandiswa kuita chimwe chinhu sokuti: Achekwa nebanga.
Arohwa neshamhu.
Atema nyama nedemo.
Chidudzirachiito chenzvimbo
Ichi chinotaridza nzvimbo yakaitikira chinhu sokuti: Nyaya yake ichatongerwa mumba.
Vaenda mhiri kwemakungwa. Vaitambira bhora munhandare.
Chidudzirachiito cheudzamu Mvura yakanaya zvikuru. Jongwe rakakukuridza katatu. Mbavha dzakaba kashanu.
Chidudzirachiito chewadzano
Ichi chinotaridza kuva pamwe kwezvinhu zvakasiyana sokuti: Anga achifamba naTezvara vake.
Mombe dziri kufura nehwai.
Basa rokuita
- Kubva pachirevo choga chiri pazasi nyurura chidudzirachiito ugopa zita racho.
|
(i) Ndinoda kuenda kumusha. |
(2) |
|
(ii) Vana vose vakanyora mhinduro nepenzura. |
(2) |
|
(iii) Vakomana vaya vokuba vakasungwa nomupurisa. |
(2) |
|
(iv) Chikomana chakanzvenga senyenganyenga. |
(2) |
|
(v) Sekuru vakauya muchando vakaona nhamo. |
(2) |
|
(vi) Akarohwa chaizvo akatiza pamba. |
(2) |
Nyora mazwi anogona kubatana nezviwedzerwa zvezvidudzirazviito zvinoti na- uye
ne- . Ronga mazwi aya muzvikwata zviviri zvakakodzera.
|
baba |
sekuru |
ambuya |
chingwa |
mbuya |
|
rwizi |
kamba |
zigadzi |
ishe. |
|