O Level Revision : Shona - Chirevamwene - Zvirevamwene
Chidudzirazita chinoratidza muridzi kana mwene wechinhu sokuti: Mombe yamai zvinoreva kuti amai ndivo muridzi wemombe.
Chidudzirazita chinoratidza muridzi kana mwene wechinhu sokuti: Mombe yamai zvinoreva kuti amai ndivo muridzi wemombe.
|
|
Maumbirwo |
|
|||
|
Chiwedzerwa chechirevamwene + rechirevamwene. |
-a- |
(nzvovera inoshanduka) |
-+- |
dzitsi |
|
Sokuti: |
|
|
|
|
y- + -a- + -baba > yababa
dz- + -a- + -mai > dzamai
Cherechedzo
Chirevamwene hachina chivakashure.
Mabasa ezvirevamwene
- Chinotaridza muridzi wechinhu sokuti:
(i) Mari yaTawanda – Tawanda ndiye muridzi wemari.
(ii) Bhuku remudzidzisi – mudzidzisi ndiye muridzi webhuku.
- Chinoratidza basa rechinhu sokuti:
(i) Mari yebhazi – zvinoreva kuti basa remari kukwirisa bhazi. (ii) Mugomo wemvura – basa remugomo kuchereswa mvura.
- Chinoratidza mhando yechinhu sokuti:
(i) Mombe yetsiru – mhando yemombe.
(ii) Doro rengoto – mhando yedoro rinodhaka chose.
- Chinoratidza hunhu kana tsika sokuti:
(i) Musikana wekunyepa – ane tsika yokureva nhema.
(ii) Harahwa yemusindo – ane hunhu hwekunetsana nevamwe.
- Chinoratidza zvakagadziriswa chinhu sokuti:
(i) kapu yedhaka – kapu yakagadzirwa nevhu.
(ii) Mota yemawaya – mota yakagadzirwa newaya.
- Chinoratidza nguva sokuti:
(i) Sadza ramangwanani – sadza rinodyiwa mangwanani.
(ii) Munamato wemanheru – nguva inoitwa munamato manheru.
- Chinoratidza ruvara rwechinhu sokuti:
(i) Vana vechichena – vanhu vane vana vachena.
(ii) Vaparidzi vechitema- kureva kuti vaparidzi vatema.
- Chinoratidza nzvimbo sokuti:
(i) Vana vekuZaka– kureva kuti nzvimbo yaanogara iZaka.
Mibvunzo
a) Ita kuti mazwi anotevera ave zvirevamwene uchishandisa sungawirirano yechirevamwene yakasiyana paizwi roga roga.
ichi avo mumwe sekuru chena baba
mbudzi urwu bere ini iwe vasingarimi uchi ruoko zigadzi marufu
b) Tsanangura maumbirwo ezvirevamwene zviviri kubva pane zvawaumba.
Ndeapi mabasa matanhatu ezvirevamwene aunoziva? Tsigira zvizere.