O Level Revision : Shona - Nzira dzekubvunza mibvunzo
Vadzidzi ve shona pa o level vanotarisirwa kunge vachigona kutsanangura nzira dzakasiyana-siyana dzokuumba mibvunzo nekupa mienzaniso yemibvunzo yacho.Nzira dzekubvunza mibvunzo ndechimwe chezvidzidzwa chinowanikwa padanho re ‘0’ level muchishona.
Mibvunzo inogona kuumbwa zvakasiyana-siyana. Dzimwe dzenzira dzacho ndedziri pazasi.
- Kushandisa / here/
(i) Ndiye here? (ii) Wakaba here?
- Kushandisa /ani/
(i) Unonzi ani? (ii) Ndiyani anogara uko? (iii) Baba avo ndevani?
- Kushandisa /ko/
(i) Ko, munozvida? (ii) Ko, makanotora? (iii) Ko, mavhara chikoro?
- Kushandisa /-ko/
(i) Watiiko? (ii) Ari kudeiko? (iii) Vanodyeiko?
- Kushandisa /rinhi/ kana /rini/
(i) Makavaka rinhi? (ii) Ndiriini wamakasungwa? (iii) Munopedza chikoro riini?
- Kushandisa /–pi/
(i) Unogarepi? (ii) Wakavawanepi? (iii) Muri vana vepi?
- Kushandisa /-i/
(i) Chii ichocho? (ii) Mwanai wamazvara? (iii) Unodei pano?
- Kushandisa /sei , ngei , nei , ngenyi/
(i) Sei uchivatuka? (ii) Ngei uchimusiya? (iii) Nei uchidaro? (iv) Ngenyi muchirwa?
- Hwidzazwi /H/
(i) Munogara mose? (ii) Asvika? (iii) Anofara?
- Kushandisa /-ngani/ kana /-nganai/
(i) Vatora kangani? (ii) Vakaenda runganai?
- 1 Kushandisa /kani/ kana /kanhi/.
(i) Unomuziva kani? (ii) Haurwadziwi kanhi?
- Kushandisa /nhai/
(i) Unozviitirei nhai? (ii) Ndizvo zvawakaita nhai?
- Kushandia /-su/
(i) Ndimisu? (ii) Unofamba nayesu?
Shandisa nzira dzinotevera kuumba mibvunzo.
|
(i) |
-pi |
(ii) rinhi / riini |
(iii) sei / ngei |
(iv) hwidzazwi |
|
(v) |
kani / kanhi |
(vi) -ani |
(vii)ko |
(viii) -su |